Nagwalk-out ni Senador Nancy Binay iti hearing nga indauloan ni Senador Alan Peter Cayetano maipapan iti baro a senate building ita nga aldaw.
Daytoy ket kalpasan nga ad-adalen ni Cayetano ti gatad ti nasao a senate building kas nakalinya iti pammilin ni Senate President Francis “Chiz” Escudero nu apay a dumanon daytoy iti P23 billion.
Iti nasao a hearing, kasasao ni Cayetano ti Department of Public Works and Highways (DPWH) idi simmangpet ni Binay, ti sigud a chaiperson ti panel ken ditoy nga impeksana a saan a dumanon iti P23 billion ti gatad ti nasao a pasdek nu diket agarup P21 billion laeng.
Nu pay kasta, impasingkedan ni Cayetano a dumanon iti P23 billion ti gatad ti baro a senate daytoy gapu iti saan a nasayaat a panakaadal daytoy pakairamanan ti land acquisition daytoy.
Gapu iti dayta, nagsinungbat dagiti dua a senador ken ditoy nga inakusaran ni Cayetano ni Binay a makibibiyang daytoy iti public hearing.
Kabayatanna, dinamag ni Binay ni Department of Public Works and Highways (DPWH) Undersecretary Emil Sadain nu adda nakitana a P23 billion kadagiti dokumento a gatad ti nasao a pasdek ken iti panagsungbat ni Sadain nga awan ket pimmanaw ni Binay iti hearing.//M
