Inaklon ni sigud a DPWH Undersecretary Roberto Bernardo a nakaawat iti P130 million a “token of gratitude” manipud kenni sigud nga Ako Bicol party-list Rep. Zaldy Co.
Sigun kenni Bernardo, nakaawat iti P100 million a dimmalan kenni sigud a DPWH First District Engineering Office District Engineer Henry Alcantara bayat a ti nabatbati a P30 million ket naawatna babaen kenni sigud a DPWH 4B Regional Director Gerald Pacanan.
Daytoy ti imbutaktak ni Bernardo iti kaunaan a gundaway a panagparangna kas state witness iti Sandiganbayan Sixth Division.
Impetteng ni Bernardo nga immapaayan ni Co iti token kas panagyaman iti naannayas a transaksion ken Engineer Alcantara.
Inlawlawag ti sigud nga undersecretary a saanna a personal nga inawat dagiti kuarta agsipudta, naipadalan iti personal aide daytoy.
Mainaig paylaeng daytoy iti sangsangwenda a malversation charges gapu iti maaatap a substandard a proyekto sadiay Oriental Mindoro.
