Dinutukan ni President Ferdinand “Bongbong” Marcos Jr. ita nga aldaw ti sigud a pulis a nagbalin a trial court judge a ni Jaime Santiago kas direktor ti National Bureau of Investigation (NBI).
Ni Santiago a sigud a sharpshooter iti Manila Police District idi tawen 1990 ket sinnukatanna ni Medardo de Lemos.
Ti pannakadutuk ni Santiago ket kinumpirmar ni Executive Secretary Lucas Bersamin.
Ti baro a direktor ti nasao nga ahensia ket sigud a nagserbi kas Manila Regional Trial Court judge.
Napanaganan pay daytoy kas Deputy Chief of the elite Special Weapons and Tactics (SWAT) iti Manila Police Department (MPD).
Nakaawat daytoy ti sumagmamano a pammabigbig kas maysa a police officer karaman ti including Senior Non-Commissioned Officer of the Year of the WPD, maysa kadagiti Ten Outstanding Policemen of the Philippines (TOPP) babaen ti Jaycees, Act of Heroism Award nga impaay ti NCRPO ken dadduma pay.
Idi 2005, napanaganan daytoy kas presiding judge ti Metropolitan Trial Court (MeTC) Branch 12 bayat nga idi 2011, na-promote daytoy kas presiding judge ti Regional Trial Court (RTC) Branch 3 idiay Manila.
