--Ads--
BAGUIO CITY – Simmuko iti tropa ti gobyerno ti maysa a miembro ti Militia ng Bayan sadiay Dandanac, Tamboan, Besao, Mountain Province.
Maibasar iti report ti Besao Municipal Police Station, ti nasao a surenderee ket nabigbig iti alyas ‘Tauli’, 41-anyos, laborer, residente ti Besao, Mountain Province ken miembro ti Militia ng Bayan iti sidong ti grupo a LOBO Og-ogbo.
Simmuko daytoy babaen iti panagtrabaho dagiti pulis ken militar babaen iti serye ti nakappia a negosasyon.
Impeksana met ti kinasaganana a mangisanod iti suportana iti rebelde a grupo.
