PHILIPPINES – Permanente a nadismiss iti serbisyo ti gobyerno ti sigud nga ahente ti Philippine Drug Enforcement Agency (PDEA) a ni Jonathan A. Morales.
Daytoy ket gapu iti maatap a panagulbodna ken grave misconduct iti panagimula iti ebidensiya iti bogus a drug-bust operation.
Maipalagip a ni Morales ket maysa kadagiti saksi iti Senate Committee on Public Order and Dangerous Drugs, nu sadino bayat ti hearing ket naipasingkedan nga authentic dagiti pre-operation reports a mangikonkonek kenni Marcos Jr. ken ti aktres a ni Maricel Soriano seknan iti droga.
Gapu iti dayta, pinasingkedan ti Civil Service Commission (CSC) ti desisyon ti PDEA a mangikkat iti sigud a PDEA agent, maysa kadagiti saksi iti makunkuna a “PDEA leaks” inquiry iti Senado.
Ti nasao a desisyon ket mangipawpawil metlaeng kenni Morales nga agala iti aniaman a civil service examination.
Forfeited metlaeng dagiti retirement benefits daytoy nu sadino sigun iti opisina ket nadadael ti reputasyon ti gobyerno gapu iti iligal a panakatiliw ken panagaramid ni Morales ti ebidensiya kontra kadagiti inosente nga indibidual.
Nabigbig pay daytoy kas “professional liar”.
