--Ads--
Inwaragawag ti Office of the President a nadutukan ni sigud a Philippine National Police chief Police General Rodolfo Azurin Jr. kas baro nga special adviser ken investigator iti Independent Commission for Infrastructure (ICI).
Sinukatanna daytoy ni Baguio City Mayor Benjamin Magalong kalpasan ti panaglosulosna iti takem.
Sigun iti Office of the President, mamati ti nasao nga administrasyon iti kapasadan ni Azurin kasta metten ti leadership daytoy.
Kagiddan dayta, nagyaman ni President Ferdinand ”Bongbong” Marcos Jr. kenni Mayor Magalong para iti serbisyo ken kontribusyonna kas sigud nga special adviser iti Independent Commission for Infrastructure.
