--Ads--
Inarestar dagiti kameng iti pulisya ni sigud a president Rodrigo Duterte idiay Ninoy Aquino International Airport (NAIA) kagiddan ti panagsublina iti pagilian manipod Hong Kong.
Daytoy ket kasaruno ti panangipaiyulog iti International Criminal Court (ICC) iti warrant of arrest kontra kenni Duterte a kinumpirmar iti Malacañang a naawaten iti INTERPOL Manila itay laeng agsapa.
Iti agdama, kinumpirmar met ni Senator Bong Go nga imet itan iti Criminal Investigation and Detection Group (CIDG) ti sigud a presidente.
Maipalagip a nagturong ni Duterte idiay Hong Kong idi Huwebes tapno suportaran ti kampanya dagiti senatorial candidates iti PDP-Laban.
