Inkari ni sigud a public works undersecretary Roberto Bernardo nga isublina dagiti kuarta a naawatna iti kickbacks.
Sigun kenni Sen. Sherwin Gatchalian, adda paylaeng iti pagilian ni Bernardo ken agkidkiddaw ti pammakawan kadagiti amin a Pilipino.
Innayonna nga inkari ni Bernardo nga isublina dagiti kuarta manipud iti maatap a kickbacks bayat nga ad-adalen paylaeng ti Department of Justice no agbalin daytoy kas state witness.
Iti baet a maad-adal ti panagbalin ni Bernardo kas state witness, impeksa ni Sen. Gatchalian a ti importante ket nagsapata ni Bernardo nga isublina ti kuarta.
Kabayatanna, impeksa ti Senador a maisayangkat ti naun-uneg nga imbestigasion kadagiti aligasion ni Bernardo.
Daytoy ket pakairamanan dagiti alegasionna kontra ka da Senators Francis Escudero, Mark Villar; dagiti sigud a Senador a da Grace Poe, Sonny Angara ken Nancy Binay.
Sigun pay kenni Sen. Gatchalian, posible a nairaman laeng dagiti nagan ti dadduma nga inbidual nga awan ti pannakaamo dagitoy.
