Naipasidong iti Blue Alert Status ti Baguio City ita nga aldaw kas panagsagana iti Super Typhoon Pepito nu sadino, naipasidong ti probisya iti Benguet ken ti Baguio City iti tropical Cyclone Wind Signal Number 4.
Nareactivate metten dagiti emergency operations center ken response clusters para iti panakaimonitor iti panagresponde ken frontline activities iti City Disaster Risk Reduction and Management Office ken ti Smart City Command Center,kasta met a silulukat ti 911 hotline nga umawat kadagiti awag.
Malaksid kadagiti nadakamat nga opisina, nakasagan metten ti kameng dagiti daduma nga opisina kas iti General Services Office para iti panakaimanihar iti basura, ti Barangay Disaster Risk Reduction Committees, ti City Social Welfare and Development Office (CSWDO) , City Engineering Office (CEO), City Buildings and Architecture Office (CBAO),City Environment and Parks Management Office (CEPMO), City Health Services Office (CHSO),Baguio City Police Office (BCPO), Public Order and Safety Division (POSD) , ken dagiti kameng iti Bureau of Fire Protection (BFP).
Nakapreposition metten dagiti reserve units manipod iti Armed Forces of the Philippines para iti panaka-augment kaspangarigan kasapulan titulong dagitoy.
