Naideklara ti state of Calamity kadagiti 207 nga ili ken 29 a suidad iti 14 a probinsia iti pagilian gapu iti epekto ti panagdalapus dagiti bagyo a Kristine ken Leon.
Karaman iti state of Calamity dagiti lugar kas iti intero a probinsia ti Albay, Batangas, Camarines Norte, Camarines Sur, Catanduanes, Cavite, Laguna, Quezon ken Sorsogon.
Naideklara ti state of Calamity kadagiti nasao bilang dagiti lugar tapno mairuar ti calamity funds ken mataming dagiti kasapulan dagitoy.
Manamnama met ti panangkontrol iti presio kadagiti kangrunaan a tagilako kadagiti apektado a lugar.
Kabayatanna, dumanon iti 150 ti pimmusay gapu iti epekto dagiti dua a nasao a bagyo bayat a nadael ti agarup P6 Billion iti imprastraktura, agarup P2 Billion iti sektor ti Agrikultura ken agarup P32 Billion kadagiti irrigation facilities.
