--Ads--
BAGUIO CITY – Mapaspasaran ita ti kinakurang ti suplay ti danum kadagiti sumagmamano a barangay idiay Itogon, Benguet partikular dagiti upper barangays.
Nupay kasta, kinuna ni Mayor Bernard Waclin a manageable daytoy gapu ta daduma kadagitoy ket mangipapadeliverda ti danum manipud kadagiti water delivery services.
Maipalagip nga isaksakad ti nasao a municipyo ti panakaipasdek ti Itogon Water District tapno masuplayan ti mismo a masakupan daytoy a lugar.
Innayon pay ti Mayor a pabor dagiti konsehal ken umili iti panakaadda ti nasao a proyekto.
Inyunay-unayna met a nasken nga agdalan daytoy iti umno a proseso para iti nalaing a panakasukimatna ken maipasigurado ti nadalus a danum a maipaay kadagiti umili.//Bombo Jerwin Aquino
