Inlawlawag ni Romeo Vicente, maysa a taxi driver iti siudad ti Baguio ti rason nu apay a nu daduma ket saanen a maipapaayan ti diskwento iti pamasahe dagiti Senior Citizen ken estudyante nga agluglugan kadagiti taxi.
Iti panakiuman ti Bombo Radyo kenni Vicente, nupay mandatory ti panakaipaay koma iti 20% a diskwento, saanen nga agkidkiddaw dagiti pasaherosda a senior citizen ken estudyante nu maminsan gapu ta makitada ti rigat ti sitwasyon.
Malaksid iti dayta,ti panakaipaay ti diskwento ket nakadepende metlaeng iti destinasyon dagiti pasaheros nu sadino, adda dagiti gundaway a saan pay a madanun ti minimum charge wenno ti flagdown rate ti kaadayo ti pagturungan dagiti pasaheros rason a saanen maipaay ti fare discount.
Iti sabali a bangir, saan metlaeng nga otomatiko ti panakaipaay ti resibo ti metro kadagiti pasaheros a dumissaag kadagiti naglugananda a taxi gapu ta manual ti maar-aramat ken masansan a saanen a dawaten dagiti pasaheros dagitoy.//Bombo Rob Dominguez
