BAGUIO CITY – Manarimaan ti panagbiruk ti lokal a gobyerno ti Baguio para iti panakagatang ti 380,000 doses ti COVID-19 para kadagiti umili ti siudad.
Iti eksklusibo nga interview ti Bombo Radyo Baguio, kinuna ni Mayor Benjamin Magalong a kasapulan ti agarup P200-M para iti panakagatang ti nasao a kaadu ti bakuna.
Dinakamatna a gapu iti daytoy ket isaksakripisyoda ti sumagmamano a kritikal a proyekto ti Baguio tapnu adda ti mailatang a panggatang iti bakuna kontra iti COVID-19.
Iti baet daytoy, namnamaenna nga adda ti maawat ti siudad a tulong manipud iti nasyonal a gobyerno ken iti pribado a sektor.
Sigun kenni Mayor Magalong, adda ti duan a pribado a grupo a mangidonar ti 20,000 a doses ti COVID-19 vaccine para iti siudad.
Inyunay-unayna nga ar-aramidenda ti amin tapnu makaalada ti umdas a bakuna para iti siudad.
