Inyebkas dagiti sumagmamano a mammanday-linteg iti suporta a mangkiddaw iti Korte Suprema a mangipasa iti linteg a mangiparit kadagiti political dynasties, kasaruno ti petision iti Korte Suprema a mangkidkiddaw ti nangato a tribunal a piliten ti Senado ken House of Representatives a mangipasa iti linteg kontra kadagiti political dynasties.
Dinakamat dagiti nagpetision ti Section 26 ti Article II ti 1987 Constitution a nalawag a mangibagbaga a ti estado wenno pagilian ket mangiparit kadagiti political dynasties.
Impeksa ni House Quad Committee lead chairperson Surigao del Norte 2nd District Rep. Robert Ace Barbers ti suportana iti nasao nga addang.
Sigun met kadagiti mammanday-linteg manipod iti Makabayan bloc, panawenen tapno mangipasa ti Kongreso ti linteg kontra ti political dynasties.
