--Ads--
Posible nga ag-ground ti sumagmamano nga eroplano iti Pilipinas gapu iti kinakurang iti jet fuel gapu iti tension iti nagbaetan ti Estados Unidos-Israel ken Iran.
Sigun kenni Presidente Ferdinand Marcos Jr, adda dagiti pagilian a saanen a mangipapaay iti fuel kadagiti eroplano iti Pilipinas, isut gapuna a mapilpilitanda a mangitugot iti umdas a gasolina para iti panagturong ken pasubli iti biahe.
Kabayatanna, sumagmamano a pagilian iti Asya a kas iti Vietnam ti agsagsagana metlaeng a mangipatungpal iti fuel surcharge iti international flights a mangrugi inton Abril.
Naapektaran metlaeng ti global air travel kalpasan a nagserra ti sumagmamano a kangrunaan nga airport iti Middle East, gapuanan tapno ma-stranded ti rinibribu a pasahero.
