Impakaammo ni Police Major Harriet Bulcio, panakangiwat iti Baguio City Police Office a napilaanen iti reklamo ti agtawen singkwenta(50) a lalaki a nangbagbagsul iti agtawen iti bente uno(21) a lalaki idiay 23A Lower Liwanag, Baguio City idi laeng kalman.
Sigun kenni PMaj.Bulcio, posible a sumango ti suspect iti kaso a frustrated homicide.
Maibasar iti imbestigasyon, agparparang a bullying ti rason a naaramid ti suspect ti nasao a krimen nu sadino, nadakamat a napunwan daytoy iti pananglukluko ti biktima kenkuana.
Nagkedked met nga ilawlawag ti biktima ti bennegna iti nasao nga insidente ken nakaruaren daytoy iti pagagasan.
Mainaig iti dayta, mapalpalagipan ti publiko a risutenda ti anyaman a saanda panagkikinnaawatan babaen iti panagsisinnaritada saan a babaen iti bayolente a wagas tapno maliklikan ti panakadangran dagitoy.
Maipalagip a nagsagrap ti biktima iti tallo nga stab wounds ken dua nga incision gapu iti panangbagbagsul ti suspect kenkuana.//Bombo Jez Lapizar
