TABUK CITY, KALINGA – Natalged latta ti Tabuk City, Kalinga bayat nga umad-adanin ti panangipila ti Certificate of Candidacy inton umay a bulan.
Iti pannakiuman ti Bombo Radyo kenni Atty. Reyman Solbita, City Election Officer ti Commission of Elections (COMELEC) – Tabuk, awan ti nairekord nga insidente ti pammapatay nga adda pakainaiganna iti eleksion.
Nupay kasta, kinuna ni Atty. Solbita a posible nga adda ti mapasamak a tension iti nasao a siudad nu maaamoanen dagiti tunggal kandidato nu sino dagiti makalabanda iti posisyon.
Iti baet daytoy, impeksa met ti nasao nga opisyal a nu adda man ti mapasamak a tension ket “minimal” wenno saan a nakaro gapu ta maibasar iti kapadasanna sipud nagtugaw daytoy kas election officer ti Tabuk ket awan ti nairekord a kaso ti ipupusay nga adda pakainaiganna iti eleksyon.//Bombo Genzel Depayso
