BAGUIO CITY – Natiliw ti tallo a drug personalities ken nakumpiskar ti P191,120 a gatad ti iligal a drogra iti nagsina nga operasyon nga impatungpal ti Baguio City ken Benguet idi Agosto 24, iti agdama a tawen.
Iti siudad ti Baguio, nakemmeg ti tallo nga Street Level Individuals nu sadino nakumpiskar manipud kadakuada ti sangapulo ket maysa (11) a pakete ti maatap a shabu nga agdagsen ti 13.40 grams ken agbalor iti P91,120.
Naduktalan dagiti iligal na droga bayat ti panakaipatungpal ti search warrant idiay Brgy Honeymoon-Holyghost.
Sumangsango dagiti suspek iti kaso a panaglabsing iti Republic Act 9165 wenno Comprehensive Dangerous Drugs Act of 2002.
Kabayatanna, dinadael dagiti otoridad ti 500 a pidaso ti fully grown marijuana plants nga aggatad t P100-K idiay Brgy Tacadang, Kibungan.
Amin dagitoy a mula ket dinadael dagiti maseknan nga operatiba bayat a manarimaan ladta ti imbestigasyon dagitoy tapno matiliw dagiti indibidual nga adda iti likodan ti nasao a panagmula.
