Pimmusay dagiti tallo nga indibidual, bayat a nadangran dagiti innem gapu paylaeng iti epekto ti Tropical Storm Kristine.
Malaksid iti dayta, impakaammo pay ni Bicol regional police chief Police Brigadier General Andre Perez Dizon a maysa pay nga indibidual ti mapukpukaw sadiay metlaeng Bicol.
Kabayatanna, inreport ti Office of Civil Defense a maysa nga indibidual ti pimmusay idiay Palanas, Masbate kalpasan a natupakan daytoy iti natennag a sanga ti kayo.
Naireport metlaeng a pito ti mapukpukaw pakairamanan dagiti tallo nga indibidual idiay San Fernando, Masbate a napan nagkalap; dagiti tallo pay ket manipud idiay Daanbantayan, Cebu bayat a ti maysa kadakuada ket manipud idiay Pilar, Cebu.
Kabayatanna, naipakaammo metlaeng a lima ti nadangran nga indibidual pakairamanan daytoy dagiti uppat a manipud idiay Northern Samar bayat a ti maysa ket manipud idiay Labo, Camarines Norte gapu iti vehicular accident.
