BAGUIO CITY-Pimmusay dagiti tallo nga indibidual iti napasamak a vehicular traffic accident sadiay Bokawkan Road, Baguio City itay parbangon, May 29, 2025.
Ti nasao nga aksidente ket nakairamanan ti maysa a truck ken tamaraw fx.
Napasamak daytoy itay laeng 3:25 ti parbangon.
Iti salaysay ti maysa nga security guard iti maysa nga establishmento, agarup 100 meters ti simmalugan ti truck ken ditoy a naibangga iti tamaraw fx.
Dumanon met iti agarup maysa nga oras ti pannakaretrieve dagiti naipit nga indibidual gapu ta kinasapulanda paylaeng a “grinderen” daytoy.
Naiturong metten dagiti pimmusay nga indibidual iti Baguio Memorial Chappel.
Iti agdama, saan paylaeng a madalyasat ti Bokawkan Road gaputa manarimaan ti panagdalus dagiti otoridad kadagiti naiwara a linaon ti truck.
Manarimaan met ti panangbigbig dagiti otoridad kadagiti indibidwal a pimmusay ken nu anya ti gapuanan ti aksidente.//Bombo News Team
