--Ads--
BAGUIO CITY- Maipanpannakkel dagiti tallo pulo ket lima a barangay iti siudad iti Baguio kalpasan a nagun-od dagitoy ti seal of good local governance.
Iti pannakiuman ti Bombo Radyo kenni Baguio City Councilor Rocky Aliping, kinuna a nagbalin a criteria iti pannakapili iti nasao nga award ti panagbalin kas good governance.
Malaksid iti dayta, maysa pay iti criteria iti award iti panagaramid dagiti barangay iti karbenganda a mangituray iti napintas, socio-economic ken dadduma pay.
Gapu iti daytoy, agbalbalin met a karit kadagiti dadduma a barangay ti pannakaaprobar dagiti annual budget dagitoy. Iti agdama, manamnama nga inton sumaruno a tawen ket mapilin to amin dagiti nasurok sangagasut a barangay iti siudad iti nasao nga award.
