BAGUIO CITY – Dumanon iti tallo pulo ket tallo a wanted personalities ti nakemmeg ti Police Regional Office – Cordillera babaen iti nainget a makalawas nga operasyon dagitoy.
Maibasar iti datus ti Regional Investigation and Detective Management Division, nakatiliw ti Baguio City Police Office ti 12 wanted personalities, pito iti Ifugao Police Provincial Office, lima iti Benguet PPO, uppat iti Apayao PPO, sag-dua iti Abra PPO ken Mountain Province PPO, ken maysa iti Kalinga Ifugao Police Provincial Office.
Manipud iti nasao a bilang, nabigbig ti sangapulo ket uppat kas Most Wanted Persons – innem iti Regional Level, innem iti Municipal Level, ken dua iti Provincial Level.
Malaksid iti dayta, nakairekord ti lima pulo ket innem a municipyo ken innem a police stations ti Baguio City ti zero crime incident.
