Sumagmamano a lugar iti probinsya ti Benguet ti makapaspasar iti nalamlam-ek a temperatura no idilig iti Baguio City.
Maibasar iti monitoring ti Philippine Atmospheric, Geophysical and Astronomical Services Administration Benguet Radar Station,11.5 degrees Celcius ti nairekord a kababaan a temperatura idiay Mount Santo Tomas, Tuba, Benguet ita nga aldaw.
Kabayatanna, nakairekord met ti Philippine Atmospheric, Geophysical and Astronomical Services Administration BSU Agromet Station sadiay La Trinidad, Benguet iti nababa a temperatura a 13.0 degrees Celsius ita nga aldaw.
Sigun iti Philippine Atmospheric, Geophysical and Astronomical Services Administration,manamnama pay a mapasaran ti nalamlam-ek a temperatura inton sumarsaruno nga aldaw gapu iti hanging amihan.
