Naarestar ti No.9 Top Most Wanted Individual iti Municipal Level iti umuna a kwarter ita a tawen sadiay Brgy. Irisan, Baguio City malem idi March 11.
Ti nasao nga indibidual ket agtawen iti 43, addaan iti asawa, taxi driver, residente sadiay Irisan, Baguio City ngem tubo iti Mt. Province.
Nakemmeg daytoy gapu iti kasona a sexual assault partikular ti panagrames.
Naarestar ti suspect babaen iti nagtitipon a pwersa ti Baguio City Police Office Station 9, Central Intelligence Unit, City Investigation and Detective Management Unit, CIT-Baguio, Regional Intelligence and Investigation Division Unit 14, ken ti TSC-RMFB 15.
Ti Warrant of Arrest kontra iti suspect ket naipayulog idi March 10.
Narekomendaran met daytoy iti piyansa a P200,000 para iti panakawaya-wayana.
Iti agdama, adda ti suspect iti kustodiya iti Baguio City Police Office-Police Station 9.//Bombo Genzel Depayso
