Bimmaba ti naisingasing a travel budget ni President Ferdinand Marcos Jr. inton umay a tawen.
Sigun iti Department of Budget and Management, P1.054 billion ti naisingasing a travel expenses ti presidente inton 2025, nababbaba daytoy nu idilig iti P1.148 billion a pundo ita a tawen.
Iti baet ti naksayan a travel budget ti presidente, kinuna ni Budget Secretary Amenah Pangandaman nga itultuloy latta ti Marcos Administration ti panangital-oda iti pagilian babaen iti overseas trip tapno agbiruk iti investment.
Sigun iti Department of Trade and Industry, nakairekord ti Board of Investments ti P950 billion a gatad ti investment manipud from Enero agingga Hunyo iti agdama a tawen.
Maipalagip nga idi bulan ti Mayo ket dinakamat ti Board of Investments a nakapataud ti Marcos administration iti P2.368 trillion nga investment gapu kadagiti foreign trips ti presidente.
Maibasar iti rekord, sipud nagtugaw ni Marcos kas presidente idi Hunyo 30, 2022 agingga 2023 ket sangapulo ket siyam a daras a naaddaan iti foreign trips.
Kaadoan a biahe ti presidente ket idi napan a tawen nga addaan iti sangapulo ket maysa a foreign trips.
