--Ads--
BAGUIO CITY – Nakemmeg ti maysa a turista gapu iti panangibiahena iti nasurok P1.2-M a gatad ti marijuana sadiay Latang, Tococan, Bontoc, Mt. Province.
Nabigbig daytoy a ni Mark Daniel Tenorio Isidro, 29-anyos, baro, self-employed ken residente ti Almeda Street, Tondo, Manila.
Nakemmeg daytoy babaen iti insayangkat dagiti otoridad nga interception operation iti Bontoc-Kalinga Road.
Nakumpiskar kenkuana ti 10 a marijuana bricks nga agdagsen iti 10,300 a gramo nga aggatad ti P1,236,000.
Sumangsango ita ti nakemmeg nga indibidual iti kaso a panaglabsing iti RA 9165 wenno ti Comprehensive Dangerous Drugs Act of 2002.
