Naituding a mapasamak ti turn-over ceremony ken ribbon cutting para iti tennis court iti siudad ti Baguio inton Mayo a singko iti agdama a tawen.
Iti panakiuman ti Bombo Radyo kenni Engr. Bonifacio Dela Peña, City Administrator iti siudad, kinunana nga idi pay kuma napalabas a bulan a maiturn-over ngem naitantan daytoy gapu iti saan a nasayaat a paniempo.
Gapu iti dayta, mabalinen a maaramat ti tennis court ngem maaramid pay laeng ti rules and regulations iti daytoy.
Sigun kenni Engr. Dela Peña, bayat a maur-uray pay dagiti guidelines ket ti maiyaplikar pay laeng ket ti sigud nga ordinasa.
Iti groundfloor ti nasao a pasdek, naituding nga i-operate pay laeng daytoy ti treasury ken ti sports facility ket i-operate ti Sports Division.
Iti sabali a bangir, nakasaganan met laeng ti parking area a mabalin a makaakomodar iti agarup 89 a lugan.
Ngem, posible a ngumato iti fee iti daytoy kakpasan a maaramid dagiti guidelines.
Imbinglay ni Engr. Dela Peña a kalpasan ti tennis court ket ti athletes quarter ken ti wall climbing ti sumaruno a maiturn-over.
Sumarsaruno met ti Convergence center ken ti tartan floor.
Para kadagiti Public-Private Partnership a programa a kas iti Intermodal terminal ken ti City Market ket adayo pay ti panakaileppas dagitoy.
