--Ads--
Balligi a naipatungpal ti Automated Counting Machine Roadshow idiay munisipyo ti La Trinidad ita nga aldaw.
Indauluan daytoy ni Atty. Grace Faustino, ti Commission on Elections officer iti nasao a munisipyo.
Sigun kenni Faustino, adu ti nagsayaatanna ti automated counting machine ita a tawen nu idilig idi napalabas a tawen.
Napalawa ti screen iti nasao a machine, addaan iti privacy tapnu saan a makita dagiti imbotos a kandidato ti maysa a voter.
Malaksid iti dayta, addaan iti peripherals para kadagiti persons with disabilities a voters.
Nangrugi ti demontration iti panangusar ti automated counting machine iti pasado alas nuebe ti agsapa anginnga iti alas singko ti malem.
