Naireklamo dagiti uppat a babbae kalpasan a nagtakaw dagitoy iti kadakkelan a mall iti siudad ti Baguio itay nabiit.
Ti complainant ket agtawen iti 44 a babae maysa a selling assistant ken residente sadiay Lower QM, Baguio City.
Iti initial nga imbestigsyon ti kapulisan, dua kadagiti suspek ti nagturong iti nasao nga establishemento tapnu ag-grocery.
Naduktalan pay a dagiti dua a nagkuyug a suspek nga immuneg ket agpada a sigud a bagger iti nasao a mall.
Nupay kasta, bayat ti panagscan ti maysa a kahera kadagiti ginatang ti maysa a suspek, naobserbaran ti security guard nga adda dgaiti sumagmamano nga items a saan a nascan iti resibo.
No sadino ket dagiti items ket naidiretso a naikabil iti karton.
Naobserbaran metlaeng ti gwardia ti kapada nga irregularities iti bangir laeng a cashier lane.
Gapu ti naobserbaran ti gwardya dagusna a pinakammuan ti managerda.
Inberipikar ti manager ti resibo ken dagiti items ket nadiskubrena dagiti items a saan a nairaman iti resibo a naiprint.
Naiturong dagiti uppat nga indibidual iti securiy office para ti kanayunan a beripikasyon.
Iti uneg ti security office pinagkinumpara dagitoy ti resibo ken items ken mapasamak ti inventory.
Maibasar iti inventory dumanon ti P2359 ti gatad ti saan a nascan iti resibo.
Agpada a dagiti uppat a suspek ken dagiti items ket naiturong iti stasyon ti kapulisan para ti umno a disposisyon.
Maisagsagana metten dagiti kaskenan a dokumento para iti panakapila ti kaso kontra kadagiti nasao nga indibidual.//Bombo Noveh Organo
