Pimmusay ti uppat a pulo nga indibidual bayat a lima pulo ket tallo ti nadangran iti panagatake ti Israel iti eastern city ti Baalbek ken Bekaa Valley idiay Lebanon.
Kinumpirmar daytoy ti health ministry ti Lebanon itay laeng kanikadua.
Gapu iti agtultuloy a panagatake ti Israeli military ken ti Hezbollah, ad-adda a nakadanonen ti asok idiay Beirut a maysa kadagiti rason a nagsipnget.
Kanayon nga ibagbaga ti Israel a kayatda a maikkat wenno mapapatay ti armado a grupo ti Lebanon a Hezbollah iti makin-abagatan a lugar idiay Beirut.
Gapu iti dayta, imbilinda kadagiti umili iti nasao a lugar nga agbakwit iti dadduma a lugar tapno saan a mairaman iti panagsabog a mapasamak.
Kabayatanna, nasurok makatawen a nagsinnukat ti panagatake ti Israel ken ti Hezbollah a mangsupsuporta iti Iran a maigidgiddan iti gubat idiay Gaza.
Iti agdama, sigun iti maysa a media sadiay, agarup uppat a panagatake ti naipatungpal idiay Lebanon idi kalman.
