Pabpabasulen ni United States President Donald Trump ti sigud a Presidente gapu iti nalammiis idi a relasyon ti Pilipinas ken Estadus Unidos.
Sigun kenni Trump, nupay nalamiis idi ti relasion ti pagilian ken Estadus Unidos gapu iti maysa a pro-China President, itatta ket papigsaenda ti aliansa ti pagilian ken US.
Nupay kasta, saan nga innaganan ni Trump no siasino ti ibagbagana a sigud a presidente.
Iti baet dayta, impetteng ti presidente ti Estadus Unidos nga awan ti dakesna a no kayat ti Pilipinas a maaddaan iti nasayaat a relasion iti China, ngem inyunay-unayna a napateg met ti aliansa ti Pilipinas ken America.
Daytoy ti kinuna ni US President Trump iti kaunaan a panagtaripnongda kenni President Ferdinand Marcos Jr. iti White House, Washington D.C idi July 22, 2025.
