--Ads--
Impaayan ti National Police Commission (Napolcom) dagiti 12 nga active police officers iti lima nga aldaw a mangipila iti counter-affidavits seknan iti panapakapukaw dagiti sabungeros.
Daytoy ket kalpasan a nangipila ni whistleblower Julie “Dondon” Patidongan iti pormal nga affidavit-complaint kontra kadagiti innem nga opisyal a naikkat iti serbisyo.
Sigun kenni Napolcom Vice Chairperson and Executive Officer Rafael Calinisan, iti kanito a saanda a mangisumitir ket saanda manen a maipayaan iti gundaway a mangisumitir iti nasao a banag.
Innayonna a ma-evaluate ti nasao a reklamo no nasken a marugian ti pormal a kaso para kadagitoy.
