BAGUIO CITY – Hustisya ti ipukpukaw ita dagiti kapamilya ni Mark Dave Galario Valdez, 21-anyos nga Engineering student iti University of the Cordilleras.
Kasaruno daytoy ti panakasarak ti nauram a bagi-na idiay Barangay Quirino, Bacnotan, La Union.
Immunan a nabigbig a ni Valdez ket Engineering student ti University of the Cordilleras iti Baguio City ken residente ti Brgy. Alipangpang, Pozorrubio, Pangasinan.
Iti inisyal nga imbestigasyon dagiti otoridad, nasarakan ni Hermin Pascual Geronimo, 56-anyos a truck driver ti nasao a bangkay iti igid ti kalsada.
Sigun kenkuana, imparadana ti imanmanehona a truck tapno agisbo idi nakitana ti nauram a bangkay.
Dagus met a nagturong ni Geronimo iti maseknan tapno agkiddaw ti tulong.
Iti agdama, manarimaan ti nainget nga imbestigasyon dagiti maseknan nga otoridad para iti panakaduktal ti motibo ken pakabigbigan dagiti suspek iti nasao nga insidente.
CLICK THE LINK BELOW TO VIEW THE FULL VIDEO:
