![](https://img.bomboradyo.com/baguio/2024/06/DENGUE-IN-BAGUIO-CITY.jpg)
BAGUIO CITY – Ngimmato iti 216% ti kaso ti dengue iti siudad ti Baguio manipud Enero agingga Hulyo 13, iti agdama a tawen.
Daytoy ket katukad ti 1,161 a kaso a nailista ti City Health Office.
Iti panakiuman ti Bombo Radyo kenni Dr. Celia Flor Brillantes, City Health Officer, nangrugi a ngimmato ti kaso ti dengue idi Abril ngem in-inot a bimmaba idi napalpalabas a lawas.
Sigun kenkuana, umad-adu ti mosquito population rason nga idagdagadag da ti Denguera iti aldaw ti Huwebes tunggal lawas ngem maiyun-unay a tunggal aldaw nga agdalus nu kabaelan.
Karaman kadagiti kasapulan a maipangpangruna a sintomas ti dengue ket fever a dumandanon iti nasurok 40 degrees celcius, joint pains, awan ti ganas a mangan ken daduma pay.
Kinuna met Dr. Brillantes a mabalin a malabanan ti dengue ngem nasken nga ipangpangruna a labanan ti dehydration nangruna kadagiti ubbing ken dagus nga iturong kadagiti kaastigan nga health center.
Iti agdama, mapagam-amkan ti kaso ti dengue iti siudad gapu ta addan ti barangay a nakailista ti nasurok dua a kaso ti dengue iti uneg ti agingga uppat a lawas.
Kabayatanna, kinuna met ni Dr. Brillantes a bumabbaba ti kaso ti dengue iti panangrugi iti agdama a bulan ti Hulyo ken namnamaenda a bumaba pay ti dengue phase.