--Ads--
LA TRINIDAD, BENGUET – Sumangsango iti kaso a panaglabsing iti Republic Act 9165 wenno Comprehensive Dangerous Drugs Act of 2002 ti 30-anyos a mannalon a tubo ti Mt. Province.
Natiliw ti suspek babaen iti buybust operation nga insayangkat ti Benguet Provincial Drug Enforcement Unit idiay Sitio Lamut, Brgy. Beckel, La Trinidad, Benguet.
Nakumpiskar manipud kenkuana ti maysa a pakete ti maatap a shabu nga agdagsen ti agarup 1 grams, P3,000 buybust money ken daduma pay nga alikamen a naaramat iti nasao a transaksyon.
Nabigbig daytoy nga street level individual.
Kabayatanna, agtultuloy ti nainget a kampanya dagiti maseknan nga otoridad kontra iti aniaman a kita ti iligal a droga iti probinsiya ti Benguet.
