Impakaammo ti Philippine National Police a dumanonen iti uppat nga indibidual ti pimmusay bayat a sangapulo ket dua ti nadangran kadagiti napasamak nga insidente bayat ti manarimaan nga eleksyon iti intero a Pilipinas.
Maibasar iti datos ti pulisya, dua kadagiti pimmusay iti napasamak a shooting incident ket manipud sadiay Bangsamoro Autonomous Region in Muslim Mindanao (BARMM) no sadino pakairamanan daytoy ti maysa a kandidato iti kina-konsehal bayat a ti maysa ket kabsat ti barangay kapitan.
Kabayatanna, dagiti met dua a naipadamag a pimmusay ket manipud sadiay Negros Island Region bayat a walo nga indibidual sadiay ti nadangran.
Malaksid iti dayta, dagiti dadduma pay a nadangran ket manipud sadiay Zamboanga Peninsula, Northern Mindanao, Davao Region, BARMM, Negros Island Region, Metro Manila, ken sadiay Cordillera Administrative Region (CAR).
Dagiti insidente ket pakairamanan dagiti armed encounters, shooting incidents, automated counting machine delays, robbery, ken uram.
