![](https://img.bomboradyo.com/baguio/2024/07/55-ANYOS-NA-SUSPEK-SA-PAGPUTOL-NG-ARI.jpg)
BAGUIO CITY – Posible a maibalud iti agingga tallo pulo a tawen ti 55-anyos a suspek iti panagputed ti mabagbagi ti 58-anyos nga asawana nu mapaneknekan a nakabasol daytoy.
Naipila ti kaso a panaglabsing iti Article 262 ti Revised Penal Code wenno ti Mutilation kontra iti suspek.
Ti posible a dusa ket reclusion temporal to reclusion perpetua nu sadino ti range ti reclusion temporal ket 12 and one day agingga 20 years ken posible a dumanon iti reclusion perpetua nu sadino agingga 30 years a maibalud ti suspek.
Iti interview ti Bombo Radyo kenni PMaj. Harriet Bulcio, panakangiwat ti Baguio City Police Office, pormal a naipila iti Prosecutor’s office ti reklamo kontra iti suspek.
Immunan a naammoan iti imbestigasyon a naginom dagiti agassawa iti pagtaengan ti kabsat ti suspek ken idi nagawidda iti pagtaenganda ket ditoyen a kellaat a pinuted ti babai ti mabagbagi ti asawana babaen iti kutsilyo iti bukodda a kwarto idiay Purok 9, Balenben, Irisan, Baguio City.
![](https://img.bomboradyo.com/baguio/2024/07/KNIFE-USED-IN-THE-CRIME.jpg)
Makitkita pay a ti motibo ti krimen ket gapu iti panagbabai ti asawa a lalaki ken nabayagen a dangdangranna ti suspek.
Kabayatanna, temporaryo a nakabalud ti suspek iti Baguio City Police Office – Police Station 9 bayat a maur-uray ti desisyon ti korte tapno maiturn-over iti Baguio City Jail Female Dormitory.
Agrekrekober paylaeng ti 58-anyos a biktima iti Baguio General Hospital and Medical Center nu sadino ob-obserbaran ti maseknan a doktor nu agballigi ti naisubli a paset ti mabagbagi daytoy.
Agpalpalagip met ni PMaj. Bulcio iti publiko a mabalin nga agipila dagiti maab-abuso a babai ti reklamo iti maseknan nga otoridad ken mabalin a mangipila ti dua a party ti reklamo nu adda ti kaso ti panagkabit weno panakikamalala tapno saan pay nga agturong iti panangdangran.
![](https://img.bomboradyo.com/baguio/2024/07/PMAJ.-HARRIET-BULCIO.jpg)
“Yung mga kababaihan po, pwede po silang magfile ng violation of RA 9262 kung nangangaliwa man po ang kanilang asawa and pwede din pong magfile ng adultery o concubinage either both na mag-asawa kapag nangangaliwa po.”
PMaj. Harriet Bulcio, Information Officer of Baguio City Police Office