--Ads--
Impablaak ti Philippine Institute of Volcanology and Seismology (PHIVOLCS) a saan a mapasaran ti pangta ti tsunami iti Pilipinas kalpasan ti napasamak a magnitude 7 a ginggined idiay Northern California idi laeng kalman.
Sigun iti nasao nga opisina, awan ti aniaman a pangta kas maibasar paylaeng iti kauddian a datos dagitoy.
Maipalagip a napasamak itay laeng parbangon ti magnitude 7 idiay Northern California no sadino addaan daytoy iti kauneg a 13 kilometers.
Gapu iti dayta, nagbakwit dagiti umili sadiay partikular kadagiti agnanaed kadagiti nababa a lugar gapu iti pangta ti tsunami ngem nakanselar metlaeng daytoy.
Awan met ti naideklara a pimmusay ngem naawanan laeng dagiti sumagmamano a lugar sadiay iti suplay ti kuryente.
