Mapadpadayawan dagiti mannalon iti probinsya ti Benguet gapu iti panangipaay dagitoy kadagiti natengda kas relief no dumteng dagiti panawen a saan a malako dagitoy.
Iti panakiuman ti Bombo Radyo kenni Elsie Gis-it, Benguet Agri-Pinoy Trading Center (BAPTC) Adviser, mamingsan gapu ta saan a kayat dagiti mannalon nga isubli dagiti produkto dagitoy iti munispiyoda ket mas pilienda nga ipadawat dagitoy.
Nupay kasta, saan met a nalalaka a maipadawat dagiti nateng kadagiti adayo a lugar no saan dagitoy a magatang gapu ta manayunan iti expenses a bayadan dagiti mannalon a mangitunda iti mas panakalugida.
Gapu iti dayta, adda dagiti gundaway a maibasura dagitoy.
Ngem, adda dagiti gundaway a no naiturongdan dagiti nateng iti munisipyo ti La Trinidad ken siudad ti Baguio ket maipadpadawat dagitoy.
Sigun kenni Gis-it, naballagan metten dagiti mannalon maipapan iti saanda kuma a panangipablaak kadagiti nateng dagitoy a maibasbasura.
Iti sabali a bangir, ita a panawen ti tikag ket kasapulan ti panagsibog dagiti mannalon kadagiti mulada.
Nakasagana met ti Department of Agriculture ken ti lokal a gobyerno ti Benguet a mangipaay iti tulong kadagiti mannalon a mangkasapulan iti dayta.
