--Ads--
Naidiaya ti P5 million a reward iti siasinoman a makaibaga iti impormasyon para iti pannakaarestar ti maysa kadagiti suspek iti ipupusay ni Chinese businessman Anson Que.
Sigun kenni Philippine National Police spokesperson Police Brigadier General Jean Fajardo, dagiti nabigbig a suspek ket da Chinese national Wenli Gong wenno pagaammo a ni Kelly Tan Lim, Bao Wenli, Axin, ken Huang Yanling.
Kinuna ni Fajardo a ti nasao a reward ket manipud iti concerned citizen.
Maipalagip a kinumpirmar ti Department of the Interior and Local Government (DILG) idi April 10 a dagiti bangkay a nasarakan iti uneg ti nylon bags sadiay Rodriguez, Rizal ket da Que ken ti driver daytoy.
