Agtultuloy ti panakaaramid ti overpass sadiay Km. 5 La Trinidad, Benguet no sadino, manarimaan ti konstruksyon iti stairway daytoy nangruna iti paset a batog ti maysa a fast food restaurant.
Maipalagip nga idi Marso iti agdama a tawen ket naikarga ti bubong ti nasao nga overpass.
Iti immuna a panakiuman ti Bombo Radyo kenni Jupiter Bacaoat, Engineer 2 iti Department of Public Works and Highways, Benguet 1st District, impanamnamana nga agleppas ti nasao nga overpass iti aldaw ti naituding a pannakaileppas daytoy inton Hunyo a osto iti agdama a tawen.
Ti panakaaramid ti overpass ket naiggedan iti reblocking a maipatpatungpal iti kalsada ti La Trinidad a manipud Stobosa ti Km.3 aginnga Km.5.
Gapu iti dayta, mapaspasaran dagiti motorista ken pasaheros ti nailet a gunay ti trapiko no sadino makidkiddaw ti panakaawat ken kooperasyon ti publiko iti maipatpatungpal a road construction a para met laeng iti pagimbagan ti publiko.
Ti nasao a proyekto ket narugian idi Hunyo idi napalabas a tawen ken nailatangan daytoy iti pondo a P24.5 million.
