Agtultuloy ti ar-aramiden a “Pulisteniks” wenno panag-ehersisyo dagiti kameng ti Philippine National Police idiay La Trinidad, Benguet kas panagtulnog iti direktiba ni PNP Chief, Police General Nicolas Torre III a matungpal ti legally mandated weight requirement para kadagiti polis.
Iti interview ti Bombo Radyo kenni Police Captain Ronald Salingsing, Operations Officer ti La Trinidad Municipal Police Station, kinunana a sumursurotda iti “instructions” ken mangipatpatungpalda ti “pulisteniks” iti dua a daras iti maysa a domingo.
Panggep ti nasao a programa nga agbalin a physically fit dagiti pulis tapno nalaka dagitoy nga agresponde iti aniaman a pasamak, a kas metlaeng ti kinuna ti hepe ti Philippine National Police.
Kabayatanna, inkarina a nakasagana dagitoy a tumulong kadagiti residente, kasta metten kadagiti bisita nga agturong idiay La Trinidad, Benguet.
