Nangipila ni Senator Erwin Tulfo iti gakat para iti naing-inget a pagalagadan kadagiti lisensya dagiti kontraktor.
Panggep ti Senate Bill 1373 nga amyendaran ti Contractor’s License Law nu sadino,babaen iti daytoy ket madiskwalipikar dagiti miembro iti Philippine Contractors Accreditation Board (PCAB) nu dagitoy ket agtagikua, stockholder, wenno opisyal iti kompanya nga addaan iti transaksyon iti gobyerno.
Kaspangarigan agbalin a linteg, maiyimplimintar ti naing-inget a kwalipikasyon kadagiti miembro iti PCAB.
Naisingasing daytoy kasaruno ti naduktalan a pakainaigan dagiti sumagmamano a miembro iti PCAB kadagiti maatap nga anomalya kadagiti flood control projects.
Nupay ti PCAB ket naimandato iti paglintegan a mangi-issue, mang-suspend,ken mag-revoke iti lisensya dagiti kontraktor kasta metten nga imbestigaran daytoy dagiti panaglabsing, patien ti Senator Tulfo a naabuso daytoy.
