HONG KONG- Dumanon iti 36 nga indibidual ti pimmusay pakairamanan ti firefighter bayat a 279 ti mapukpukaw gapu iti uram iti high-rise residential buildings sadiay Hong Kong.
Malaksid iti dayta 29 pay ti naiturong iti ospital tapno mataming dagitoy.
Nagbakwit dagiti ginasgasut a residente kadagiti natalged a lugar bayat a nangrugi ti uram.
Nupay kasta, adda dagiti natrap a saan pay a nakuarar kadagiti pagtaenganda.
Naideploy met ditoy dagiti 700 a firefighters tapno sebseban ti nasao nga uram.
Kagiddan dayta, inyebkas ni Chinese leader Xi Jinping ti panakipagladingitna iti firefighter a pimmusay bayat ti panagsebsebda iti uram kasta metten dagiti biktima iti daytoy.
Kabayatanna, impakaammo met ni Hong Kong’s chief executive John Lee a nangi-set-up dagiti pulis ken ti Fire Services Department iti imbestigasyon tapno maimbestigaran ti rason ti nasao nga uram.
Gapu iti dayta, naarestar dagiti tallo a lallaki a mapapati nga adda iti likudan ti nasao nga uram.
