Inrekomendar ti Department of Justice (DOJ) ti pannakaipila ti kaso kontra kenni Charlie Tiu Hay Ang wenno Atong Ang, ken dagiti 25 nga adda ti pakainaiganda iti pannakapukaw dagiti sabungero.
Maibasar iti press statement idi Desiemebre 9, 2025, nakita ti panel of prosecutors ti primafacie evidence a adda ti “reasonable certainty of conviction” para iti 10 a bilang ti kaso a Kidnapping with Homicide.
Karaman kadagiti akusado dagiti dadduma nga opisial ti pulisya, tauhan iti sabungan, ken dagiti sigud nga empleyado ni Ang.
Malaksid iti dayta, dumanon iti 16 a bilang ti kaso a kidnapping with serious Illegal Detention ti naipila kontra iti kapada a grupo, karaman ti sumagmamano a pulis.
Nairekomendar dagiti kaso iti consolidated cases ti People of the Philippines vs. Charlie Tiu Hay Ang et al., manaig kadagiti sabungero a mapukpukaw manipud 2021 agingga 2022.
Kabayatanna, naibasura dagiti kaso kontra kadagiti dadduma a respondents ngem posible a mairuar manen iti kanito nga adda ti ebidensia.
