Naarestar ti tallo a kadete ti Philippine National Police Academy (PNPA) gapu iti maatap a hazing iti agarup 20 nga underclassmen iti uneg ti nasao nga akademya.
Napasamak ti nasao nga insidente idi Biyernes Santo kalpasan a nadiskobre ti maysa a cadet guard ti maatap a hazing iti uneg ti Barracks 2 ti Philippine National Police Academy no sadino oras kuman ti panaginana dagitoy.
Dagos a naipakaammo daytoy iti tactical officer a naipakaammo met iti commandant agingga dimmanon iti direktor ti PNPA.
Sigun kenni Interior and Local Government Sec. Jonvic Remulla, kadua ti Philippine National Police (PNP) ti Department of Interior and Local Government (DILG) iti panangimbestigar ti nasao nga insidente.
“Actually the Director PNPA was the one who reported it. He was the one who caught it so, buti na lang vigilant siya. And the Chief (PNP) will also be on top of it also, we’ve been working together on this,” sigun kenni Remulla.
Maibasar iti imbestigasyon, tallo a 3rd Class cadet ti direkta nga adda pakainaiganna iti nasao nga insidente bayat nga adda pay ti pito a suspek a saan pay laeng a nabigbig.
“We strongly condemn the hazing incident which occurred in the PNPA as per investigation there are three identified culprits and seven John Does,” innayon ni Remulla.
Victims receives medical intervention
Nakaawaten dagiti agarup 20 a biktima iti maatap a hazing iti uneg ti Philippine National Police Academy iti serbisyo medikal sigun iti nasapo nga akademya.
Iti impablaak ti PNPA nga statement, inaksyonanda a dagos ti insidente iti maatap a kinaranggas tapno masigurado ti kinatalged dagiti kadete a biktima.
Impakaammo ti nasao nga opisina a naipasidung metlaengen dagiti responsable iti kustodiya ti Criminal Investigation and Detection Group (CIDG) para iti imbestigasyon ti kaso.
Kabayatanna,temporaryo a narelieve ti Tactical Officer iti aldaw a napasamak ti insidente.
Impanamnama met ti PNPA nga adadda a paregtaenda dagiti addang tapno masigurado ti kinatalged, disiplina, ken propesyonal a training environment. //bombokaren.c.s
