--Ads--
Mailukaten iti publiko ti trekking ken dadduma pay nga eco-tourism activities iti Munisipyo ti Itogon mangrugi ita nga aldaw kalpasan iti temporaryo a suspensyon dagiti nasao nga aktibidad iti sidung ti Executive Order No. 23.
Pinalubosan ken pinirmaan daytoy ni Itogon Mayor Bernard S. Waclin kalpasan a kinumpirmar dagiti otoridad a natalgedden dagiti pasdek a naapektaran kadagiti forest fire a napasak idi napalpalabas a lawas.
Gapu iti dayta, mapalubosanen ti mangbisita kadagiti nagduduma sites pakairaman ti Mt. Ulap, Mt. Ugo, Mt. Pigingan, Mt. Bidawan, Mt. Cotcot, ken Ave Maria kabayatan iti agtultuloy latta a panagmonitor dagiti otoridad sadiay. //bombokaren.c.s
