Maidagdagadag ita iti munisipyo ti La Trinidad nga idadauloan ni Mayor Roderick Awingan ti pannakaipatungpal ti Hazard Risk Assessment and Control (HRAC).
Sigun iti inpaulog ni Mayor Awingan nga Executive Order No.072 Series of 2026, bilbilinenna amin nga Barangay Disaster Risk Reduction and Management Council a mangisayangkat iti Hazard Risk Assessment and Control (HRAC) kadagiti masakupan dagitoy.
Daytoy ket tapno masigurado ti epektibo a panagsagana ken response mechanism kontra kadagiti kalamidad.
Iti nasao a direktiba, mabilbilin dagiti BDRRMC a dagos a mangisayangkat iti assessment tapno maamwan dagiti human-induced hazards kas iti flooding, landslides, uram, accident prone areas, health hazards ken dadduma pay.
Kalpasan iti 30 nga aldaw manipud iti pannakaipaulog ti nasao a direktiba, kasapulan a mangisumitirda iti initial assessment report iti Municipal Disaster Risk Reduction and Management Office.
Maibasar pay iti nasao a direktiba, apaman a nabigbigda dagiti hazards ken disaster prone areas, mangipatungpalda a dagos kadagiti corrective measures tapno maadressan dagitoy.
Agserbi met kas lead coordinating and technical body ti La Trinidad MDRRMO para iti nasao a direktiba. //bombokaren.c.sapirao
