Nangipablaak met ti Barangay Beckel iti opisyal nga statement da seknan iti site development ken batching plant a maisaysayangkat idiay Sitio Busi.
Sigun iti statement dagitoy, inyebkasda ti suportada iti panangkontra ti Sitio Busi iti nasao a proyekto ket impettengda a prayoridadda ita ti kinatalged dagiti residente sadiay.
Inlawlawag metlaeng dagiti barangay councils a nabayagen a inpoprosesoda ti panangkontra ti nasao a proyekto manipud pay laeng idi bulan ti Pebrero.
Impetteng ti nasao a barangay a mannarimaan ti panangipinalda iti pormal a Barangay Resolution tapno suportaran ti petisyon nga inpila ti Sitio Busi pakairamanan ti Cease and Desist Order.
Kagiddan dayta, inyebkas ti Barangay Beckel Council a saan kuma a basta-basta akusaran dagiti lokal nga opisyales nga awan ti addang nga inaramidda seknan iti nasao nga isyu gapu ta manipud pay iti bulan ti Marso, binantayanda ti nasao a kaso.
Impakaammoda met nga agtaltalianed a nakalukat ti barangayda iti kanayunan a diyalogo seknan iti nasao nga isyu. //bombokaren.c.sapirao
