Nagserbi a dakkel a tulong ti programa a ” Handog ng Piitan sa Paaralan” ti Bureu of Jail Management and Penology kadagiti nagduduma a pagadalan iti napalabas a Brigada Eskwela idi napalabas a lawas.
Sigun kenni JINSP JULIUS B GARLEJO, Acting jail warden ti La Trinidad Municipal Jail, dumanon ti tallo pulo a tugawan manipud Bahong Elementary School ti naisimpa ken napabaro ti pintorna babaen iti nasao a programa.
Innayona pay a dagiti nasao a tugawan ket tinarimaan metlaeng dagiti Persons Deprived of Liberty (PDLs).
Impeksa ni JINSP GARLEJO a daytoy nga initiatiba ket saan laeng a mangipakpakita iti panagipaay dagitoy iti safekeeping ken rehabilitasyon kadagiti PDLs nu diket para metlaeng iti community engagement ken development dagitoy.
Mainaig iti dayta . .
Pamaneknek ti pannaka-involved dagiti balod iti napalabas a Brigada Eskwela a saan a lapped ti panagbalinda a PDLs tapno makatulong iti komunidad.
Sigun kenni JINSP JULIUS B GARLEJO, Acting jail warden ti La Trinidad Municipal Jail, saan nga amin a balod ket managdakdakkes.
Sumagmamano kadagitoy ket matingtingiting pay laeng dagiti kaso da, sumagmamano kadagitoy ket nairaman laeng, ken dadduma pay a sirkumstansya.
Impeksa ni JINSP GARLEJO a babaen iti pannaka-involve da kadagiti nagduduma nga aktibidades kas iti Brigada Eskwela ken dadduma pay, makatulong daytoy para iti pannakadevelop ti skills dagitoy.
Iti mensahe ni JINSP GARLEJO , impakita dagiti PDLs a ti rehabilitasyon ket saan laeng a panggep iti pannakaibalud ngem panggep metlaeng daytoy iti panakaisubli manen ti sense of resposibility, dignidad, ken panggep iti biyag.
” Our PDLs demonstrate that rehabilitation is not only about being encarcerated but also about restoring a sense of responsibility, dignity and purpose”, sigun kenni JINSP JULIUS B GARLEJO. .// Bombo Noveh Organo
